لاہور (سپیشل رپورٹر) صوبے کے 9 تعلیمی بورڈ انٹرمیڈیٹ پارٹ ٹو کے نتائج کا اعلان 20 اکتوبر کو کریں گے۔ امیدوار اپنے نتائج متعلقہ ویب سائٹ اورمتعلقہ بورڈ کی جانب سے دیئے گئے نمبر پر ایس ایم ایس کر کے بھی معلوم کر سکیں گے۔ تعلیمی بورڈز کے چیئرمین نتائج کا اعلان صبح دس بجے کریں گے۔ پوزیشن ہولڈرز کا اعلان نہیں کیا جائے گا۔ نتائج گریڈ کی بنیاد پر ترتیب دیئے گئے ہیں۔

لاہور بورڈ انٹرمیڈیٹ پارٹ ٹو کے نتائج کا اعلان 20 اکتوبر کو کرے گا۔ امیدواراپنا رولنمبر ایٹ ڈبل زیرو ٹو نائن پر ایس ایم ایس کرکے بھی نتائج معلوم کرسکیں گے۔

تفصیلات کےمطابق لاہور بورڈ انٹرمیڈیٹ پارٹ ٹو کے نتائج کا اعلان 20 اکتوبر کو کرے گا۔ رواں سال انٹرپارٹ ٹو کے امتحان میں ایک لاکھ پچھتر ہزار سے زائد امیدواروں نے شرکت کی۔ نتائج کا اعلان چیئرمین لاہور بورڈ صبح دس بجے کریں گے۔ اس بار بھی بورڈ کی جانب سے پوزیشن ہولڈرز کا اعلان نہیں کیا جائے گا۔

نتائج لاہور بورڈ کی ویب سائٹ سے آن لائن معلوم ہو سکے گا۔ امیدواراپنا رولنمبر ایٹ ڈبل زیرو ٹو نائن پر ایس ایم ایس کرکے بھی نتائج معلوم کرسکیں گے۔