بحریہ یونیورسٹی اسلام آباد کے 25 ویں کانووکیشن کا انعقاد کیا گیا ہے۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی بحریہ یونیورسٹی اسلام آباد کے 25 ویں کانووکیشن کی تقریب کے مہمان خصوصی تھے۔

پاک بحریہ کے ترجمان نے بتایا کہ تقریب میں بحریہ یونیورسٹی سے مختلف شعبوں میں تعلیم مکمل کرنے والے 175 طلباء کو ڈگریاں تقسیم کی گئیں۔

ترجمان پاک بحریہ کا کہنا تھا کہ نیول چیف نے امتیازی کارکردگی پر طلباء کو میرٹ سرٹیفیکیٹس اور میڈلز تفویض کیے۔

اس موقع پر نیول چیف ایڈمرل محمد امجد خان نیازی نے کہا کہ طلباء عملی زندگی میں سچائی، راست بازی پر عمل کرتے ہوئے اپنے خوابوں کی تکمیل پر عمل پیرا ہوں۔

واضح رہے کہ تقریب میں بحریہ یونیورسٹی کی انتظامیہ، طلباء کے والدین اور شعبہ تعلیم سے وابستہ شخصیات نے شرکت کی۔