سرکاری کالجز کے اساتذہ کی پرموشنز خطرےمیں پڑ گئی

سرکاری کالجز کے اساتذہ کی پرموشنز اور ٹریننگ خطرے میں پڑ گئی ۔

تفصیلات کے مطابق محکمہ ہائر ایجوکیشن نے ٹریننگ کے لیے فنڈز دینے سے انکار کر دیاہے جبکہ کالج اساتذہ کی ٹریننگ کے لیے 100 ملین مانگے گئے تھے۔

اساتذہ کی پرموشنز اور ٹریننگ ہائر ایجوکیشن کمیشن پنجاب کرتا ہےدو ہزار دس کی پالیسی کے مطابق اساتذہ کو پرموشن کے لیے ٹریننگ لینالازمی ہےاساتذہ کو تربیت دینے کے لیے تاحال کوئی اکیڈمی بنی اور نہ فنڈز مختص ہوئے ہیں ۔

انتظار کی گھڑیاں ختم، نہم کلاس کا رزلٹ آگیا

فیڈرل بورڈآف انٹرمیڈیٹ اینڈ سکینڈری ایجوکیشن نے 9th کلاس کے نتائج کا اعلان کردیا۔ سالانہ نتائج 2022 کا اعلان 5 اگست کو دن 11 بجے کیا گیا۔

تفصیلات کےمطابق فیڈرل بورڈآف انٹرمیڈیٹ اینڈ سکینڈری ایجوکیشن 9th کلاس کے سالانہ امتحانات 2022 کے نتائج کا اعلان کردیا، فیڈرل بورڈ آف انٹرمیڈیٹ اینڈ سیکنڈری ایجوکیشن نے 17 مئی سے 7 جون تک سال 2022 کے لیے نویں جماعت کے امتحانات کا انعقاد کیا۔ ہر سال کی طرح نویں جماعت کے ہزاروں طلبہ نے امتحانات میں شریک ہوئے۔

امتحانات کے بعد سوشل میڈیا پر طلبہ بے چین اور انتظار میں تھے کہ کب رزلٹ کا اعلان کیا جاتا ہے اور متعدد بار متعلقہ بورڈ سے بھی پوچھا، بورڈ حکام کا کہناتھا کہ بورڈز کو نتائج کی تیاری میں تقریباً 2 ماہ لگتے ہیں۔

فیڈرل بورڈ نے 9ویں جماعت کے سالانہ امتحان کے نتائج کی تاریخ 5 اگست 2022 مقرر کی تھی۔ بورڈ نے 5 اگست 2022 کو سائنس اور آرٹس دونوں گروپوں کے لیے 9ویں کے نتائج کا اعلان کیا۔

طلبہ اپنا رزلٹ www.Get info pk.com کی ویب سائٹ سے بھی معلوم کرسکتے ہیں، یا پھر FB لکھ کر سپیس دبائیں اور اپنا رول نمبر لکھ کر 5050 پر میسج کریں ۔ طلبہ اپنا رزلٹ فیڈرل بورڈ کی وئب سائٹ www.fbise.edu.pk سے بھی جان سکتے ہیں

یونیورسٹی آف ایجوکیشن میں داخلے کے خواہشمند طلبا کیلئے اچھی خبر

یونیورسٹی آف ایجوکیشن نےمختلف پروگرامز میں داخلوں کا اعلان کر دیا۔

ذرائع کے مطابق یونیورسٹی آف ایجوکیشن میں داخلوں کیلئے درخواستیں آن لائن وصول کی جائیں گی، داخلہ فارم اور پراسپیکٹس 8 اگست سےدستیاب ہونگے، درخواستیں جمع کرانے کی آخری تاریخ 19 اگست ہے، یونیورسٹی میں کلاسز کا آغاز 19 ستمبر سے ہوگا، آخری سال کے نتائج کے منتظر بھی درخواست جمع کرا سکتے ہیں

طلبہ ہوجائیں خبردار، ایچ ای سی نے بڑا اعلان کردیا

ایچ ای سی کی جانب سے بڑا فیصلہ سامنے آ گیا ہے، یونیورسٹیوں کو خبردار کر دیا ہے کہ وہ ایسی ڈگریاں پیش نہ کریں جن میں کلینیکل ایپلی کیشنز شامل ہوں۔

تفصیلات کے مطابق ہائر ایجوکیشن کمیشن ( ایچ ای سی) نے تمام یونیورسٹیوں کو خبردار کیا ہے کہ وہ ایچ ای سی کی اجازت کے بغیر ان طلبہ کو انڈرگریجویٹ ڈگری پروگرام پیش نہ کریں جن میں کلینیکل درخواستوں شامل ہوں۔

رپورٹ کے مطابق ایچ ای سی حکام کی جانب سے کہا گیا کہ کچھ یونیورسٹیوں نے متعلقہ پیشہ ورانہ اداروں اور ایچ ای سی کی مشاورت کے بغیر ڈپلومہ اور ڈگری پروگرام شروع کیے ہیں جن میں کلینکل ایپلی کیشنز ، ڈرمیٹولوجی، ڈرمل سائنسز، جمالیات، انڈرگریجویٹ سطح پر کاسمیٹولوجی، ریڈیولاجی، آپتھلمولوجی، اینستھیزیا، کارڈیالوجی، ہیموڈالیسس اور نیورو فزیالوجی شامل ہیں۔

علاوہ ازیں کمیشن نے تمام یونیورسٹیوں کو ہدایت کی کہ وہ انڈر گریجویٹ لیول پر ان تمام مضامین میں داخلے اور ڈگری پروگرام پیش نہ کریں جب تک کہ طلباء کے تعلیمی کیریئر اور روزگار کے امکانات کو محفوظ بنانے کے لیے ایچ ای سی کی طرف سے اجازت نہ دی جائے۔

مزید کہا گیا کہ یونیورسٹیوں کو اس سلسلے میں جاری تمام کارروائیوں کو فوری طور پر روک دینا چاہیے کیونکہ وہ اس ایڈوائزری کی خلاف ورزی پر ڈگریوں کی تصدیق نہیں کرے گا۔

سکول کے بچوں میں ڈینگی پھیلنے کا خدشہ،محکمہ تعلیم نے اہم قدم اٹھا لیا

سرکاری ونجی سکولوں کے بچوں میں ڈینگی وباء پھیلنے کا خدشہ، محکمہ تعلیم نےسکولوں میں ڈینگی سے بچاو کیلئے زیرو پریڈ کا انعقاد لازمی قرار دے دیا۔

سکولوں کے بچوں میں ڈینگی وباء پھیلنے کا خدشہ ہے جس کے باعث سکولوں میں ڈینگی سے بچاؤ کیلئے زیرو پریڈ کا انعقاد لازمی قرار دیا گیا ہے، بتایا گیا ہے کہ سرکاری ونجی دونوں سکولز میں زیرو پریڈ کا انعقاد لازمی کروایا جائے گا۔

زیرو پریڈ کے حوالے سے سکولوں کی باقاعدگی سے مانیٹرنگ کی جائے گی۔ بچوں کو ڈینگی کی آگاہی کے حوالے سے بنائی گئی تصاویر روزانہ محکمہ سکول ایجوکیشن کو بھجوائی جائیں گی۔احکامات پر سو فیصد عمل نہ کرنے والے سکول سربراہان کیخلاف کارروائی کی جائے گی۔

بڑی خوشخبری، سرکاری ملازمین، اساتذہ کی سنی گئی

اساتذہ سمیت صوبہ بھر کے سرکاری ملازمین و اساتذہ کو آئندہ ماہ کی تنخواہ میں سپشل الاونس ملے گا، محکمہ خزانہ نے ادائیگیوں کے لئے کوڈ جاری کردیا ۔

پنجاب بھر کے 4 لاکھ اساتذہ کے لئےاچھی خبر آگئی،تمام اساتذہ کو آئندہ ماہ کی تنخواہ میں سپشل الاونس ملے گا۔ محکمہ خزانہ نے سپیشل الاونس کی ادائیگی کے لئے کوڈ بھی جاری کردیا ہے۔ اساتذہ کو یکم ستمبر کو ملنے والی تنخواہوں میں 6 ماہ کا الاونس شامل ہوگا۔

فنڈز کی کمی کے باعث یکم اگست کع اسپشل الاونس کی ادائیگیاں ممکن نہیں ہوسکی تھی۔ اساتذہ کو یکم مارچ سے 31 اگست تک بقایا جات سمیت تنخواہ ملے گی۔ محکمہ خزانہ نے تمام سرکاری ملازمین کو ادائیگی کے لئے نوٹی فکیشن جاری کردیا ہے۔

انتظار کی گھڑیاں ختم، میٹرک کے نتائج کا اعلان ہوگیا

فیڈرل بورڈ کی جانب سے میٹرک سالانہ امتحانات کے نتائج کا اعلان، تقریب میں وفاقی وزیر تعلیم رانا تنویر ناصر بطور مہمان خصوصی شریک کی۔

میٹرک کے سالانہ امتحانات2022 میں آرمی پبلک سکول سے مریم خان نے 1096 نمبرز کے ساتھ پہلی پوزیشن حاصل کی، آرمی پبلک سکول کی فاطمہ بنت اسد اورجوائنٹ سٹاف پبلک سکول کی ماہ نور علی 1095 نمبرز کے ساتھ دوسری پوزیشن حاصل کر سکیں، جبکہ آبہیہ رفیق 1094 کے ساتھ تیسری پوزیشن پر آئیں۔

آرٹس گروپ کے نتائج کے مطابق 1062 نمبر لے کر منیبہ شاہد نے پہلی پوزیشن حاصل کی، 1058 نمبر لے کر ایمان علی دوسری اور 1042 نمبر لے کر مائرہ بخاری نے تیسری پوزیشن حاصل کی۔

وفاقی وزیر تعلیم رانا تنویر نے تقریب میں خطاب کے دوران بچیوں کی محنت کو سراہتے ہوئے کہا کہ رزلٹ کی شرح میں لڑکیوں کی شرح لڑکوں کی شرح سے کئی ذیادہ ہے، پوزیشنز لینے والی تمام بچیاں ہمارے لئے فخر کا باعث ہیں، سی ایس ایس امتحانات اور ہر فیلڈ میں لڑکیوں کا کردار بہت اہم ہے، پوزیشنز لینے والے تمام ادارے آرمی کے ہیں جو فخر کا باعث ہیں۔

چئیرمین فیڈرل بورڈ قیصر عالم کا میٹرک نتائج کی تقریب سے خطاب میں کہنا تھا کہ فیڈرل بورڈ کو اعزاز حاصل ہے کہ ریفارمز کا سلسلہ شروع کیا گیا، ڈیجیٹل مانٹیرنگ سسٹم، ای مارکنگ اور تعلیمی اداروں اور امتحانی مراکز کی میپنگ بھی ڈیجیٹل کی گئی ہے، انہوں نے مزید کہا کہ 14 سال بعد ہم نے اپنے 2006 کے نصاب کو 2022 میں نافذ کیا، اور ایس ایل او کی بنیاد پر امتحانات کا انعقاد کیا۔

چیئرمین ایچ ای سی نے چارج سنبھال لیا

چیئرمین ہائر ایجوکیشن کمیشن ( ایچ ای سی) ڈاکٹر مختار احمد نے چارج سنبھال لیا۔

وزیر اعظم شہباز شریف نے ڈاکٹر مختار احمد کو چیئرمین ہائر ایجوکیشن کمیشن مقرر کیا ہے۔وزیر اعظم کے سیکرٹری توقیر شاہ نے ان کی تقرری کا نوٹیفکیشن جاری کیا تھا،یہ تقرری دو سال کے لیے کی گئی ہے۔

واضح رہے کہ ڈاکٹر مختار احمد اس سے قبل بھی 2015 سے 2018 تک چیئرمین ایچ ای سی رہ چکے ہیں۔اس کےعلاوہ ڈاکٹر مختار احمد ایچ ای سی کے ایگزیکٹو ڈائریکٹر بھی رہ چکے ہیں۔

موجیں ختم، پنجاب اور سندھ کےتعلیمی ادارےکھل گئے

گرمیوں کی چھٹیوں کےبعد پنجاب اور سندھ میں تعلیمی ادارے کھل گئے۔

تفصیلات کے مطابق پنجاب میں سرکاری سکولوں میں نئے تعلیمی سیشن کابھی آغاز آج سےہو گا۔حکومت نے اسکولوں میں انسداد ڈینگی مہم کے تحت صفائی اور نکاسی آب کی خصوصی ہدایت کی ہے۔

پہلے دن طلبا کی حاضری معمول سے کم ہے۔اساتذہ کی جانب سے بچوں کو کورونا ایس اوپیز پر عمل درآمد کرنے کی ہدایات کی گئیں ہیں۔

دوسری جانب یونیورسٹی آف پنجاب کی جانب سے جاری نوٹی فکیشن کے مطابق موسم گرما کی تعطیلات میں اضافہ کردیا گیا ہے،اس سے قبل چھٹیاں 29 جولائی تک تھیں، مون سون کے پیش نظر طلبا کی چھٹیوں میں اضافہ کیا گیا ہے۔

سرکاری سکولوں میں نوکری کے خواہشمند افراد کیلئے بری خبر

پنجاب حکومت کیجانب سے بھرتیوں پر پابندی،صوبہ بھر میں سولہ ہزار اساتذہ کی بھرتیوں کا عمل روک دیا گیا.،پنجاب بھر کےسکولوں میں ایک لاکھ پانچ ہزار اساتذہ کی اسامیاں خالی پڑی ہیں۔

تفصیلات کے مطابق پنجاب حکومت نے بھرتیوں پر پابندی عائد کر دی ہے ،صوبہ بھر میں سولہ ہزار اساتذہ کی بھرتیوں کا عمل روک گیا۔پنجاب بھر کے سکولوں میں ایک لاکھ پانچ ہزار اساتذہ کی اسامیاں خالی پڑی ہیں لیکن اسامیاں پر کرنے کیلئے 30 ہزار اساتذہ کی بھرتی کا فیصلہ کیا گیا تھا۔

پہلے مرحلے میں سولہ ہزار اور دوسرے مرحلہ میں چودہ ہزار بھرتیاں کی جانی ہیں۔پابندی کے باعث سکول ایجوکیشن نے بھرتیوں پر کام روک دیا۔محکمہ تعلیم کےمطابق اساتذہ کی بھرتیوں کیلئے سمری دوبارہ وزیر اعلی پنجاب کو بھیجوائی جائے گی،اساتذہ کی بھرتیاں کیلئے حکومت سے حتمی منظوری لینا ہوگی۔ محکمہ تعلیم کےمطابق منظوری ملتے ہی بھرتیوں کا عمل دوبارہ شروع کردیا جائے گا۔