تعلیمی اداروں میں چھٹیوں سے متعلق بڑی خبر آ گئی

اسکول ایجوکیشن ڈیپارٹمنٹ نے لاہور سمیت پنجاب بھر میں سابق نوٹیفکیشن منسوخ کر کے جمعہ اور ہفتہ کی چھٹی کو بحال کردیا ہے۔

تفصیلات کے مطابق اسکول ایجوکیشن ڈیپارٹمنٹ کی جانب سے نوٹیفکیشن بھی جاری کردیا گیا ہے۔

نوٹیفکیشن کے مطابق لاہور سمیت پنجاب بھر میں جمعہ اور ہفتہ کی چھٹیاں 15 جنوری تک دی گئی تھیں، اسکول ایجوکیشن ڈیپارٹمنٹ نے سابق نوٹیفکیشن منسوخ کر کے جمعہ اور ہفتہ کی چھٹی کو بحال کردیا ہے۔

اسکول ایجوکیشن ڈیپارٹمنٹ کے مطابق موجودہ ویک میں لاہور سمیت پنجاب بھر میں جمعہ اور ہفتہ کو بھی اسکول لگیں گے۔

خیال رہے کہ لاہور ہائیکورٹ نے اسموگ کے باعث جمعہ اور ہفتہ کو اسکولز بند رکھنے کا حکم دیا تھا۔

دوسری جانب سردی کی شدید لہر کی وجہ سے وفاقی تعلیمی اداروں کے اوقات میں تبدیلی کردی گئی ہے۔

وفاقی محکمہ تعلیم کی جانب سے اسکولوں کے اوقات میں تبدیلی کا نوٹیفکیشن بھی جاری کر دیا گیا ہے۔

نوٹیفکیشن کے مطابق سنگل شفٹ چلانے والے ادراے صبح 8:30 سے دن 02:30 تک کھلیں گے جبکہ جمعہ کے دن ساڑھے 8 سے ساڑھے 12 تک ادارے کھلے رہیں گے۔

ڈبل شفٹ والے تعلیمی اداروں کے اوقات مارننگ شفٹ صبح 8 بجے سے ساڑھے 1 بجے تک ہو گی جبکہ جمعہ کو 8 بجے سے ساڑھے 12 تک شفٹ ہو گی۔

ایوننگ شفٹ ڈیڑھ سے شام 7 بجے تک ہوگی جبکہ جمعہ کے دن شفٹ اڑھائی سے لیکر شام 7 بجے تک ہوگی۔

نوٹیفکیشن میں یہ واضح کیا گیا کہ سردی اور مہنگائی کے باعث طلباء و طالبات کو کسی بھی رنگ کے سوئٹرز یا جیکٹ یونیفارم کے علاوہ پہننے کی بھی اجازت ہوگی۔

Leave a Reply

Your email address will not be published. Required fields are marked *